heit amol was Luschdigs!
Der schwäbische Humor im Allgemeinen
Gibt es den typisch schwäbischen Humor?
Ich möchte meinen ja! Zunächst ein paar Beispiele (typisch? Wer weiß!):
En Schwob, en Schweizer ond en Nordeitscher sitzed em Zug. No frogt dr Schweizer da Nordeitsche:"Sinds auch schon z'Züri gsi?" Der verschtoht aber nix. Der Schweizer wiederholt: "Sinds auch schon z'Züri gsiiii?" aber s hilft nix. Der Schwob hilft aus:" Er moint gwä".
An Schwob, a Hollaend'r ond a Ossi schaffed an derre neie Bauschdell am Leonberger Tunnl. On wianse so am buddle send, fendedse a alde Lamb. D'r Schwab als d'r schlauschde (er war schau ieb'r vierzg) seit: I glaub des isch a Wond'rlamp. Vielleich sodded m'r mol dra raiba. Also nemmd'r se ond weil so schmodzig isch reibderse a dem Ossi (der des gared witzig fended). Ond wienerse so reibd, fangt des Deng oh zom raucha on dadsaechlich tut da a Geischd rauskomme. Na sen dia drei Kerle erschdmal granademaessig platt. D'r Geischd dengd sich, ha die Gelegenheit ischd gut, wenn dia drei Bachel schau schdill send, na schwaetz I hald solang. Na seit'r; Ihr drei habt mich befreit (des isch a Norddeutscher Geischd) und dafuer gebe ich euch drei Wuensche. Na schaud'r den Hollaend'r oh ond seit: Das heisst einen Wunsch fuer jeden von Euch ! D'r Hollaend'r fangt oh ond seit: Ich wuensche mir dass Holland am Mittelmeer liegt, damit ich im Sommer nicht immer so weit zum baden fahren muss.
D'r Goischd ieberlegt ond sait: Dein Wunsch ist erfuellt ! Ond Schwupp, ischd d'r Hollaend'r weg. (Ond Holland au). Na seid d'r Ossi: Nu, Ich wuerde gerne in meinem eigenen Land leben mit meinen eigenen Leuten wo alle gleich sind und ich nicht immer als Ossi gelte. D'r Geischd schueddld d Kopf ond seit: Du musst es wissen. Dein Wunsch ist erfuellt. Ond Schwupp, ond d'r Ossi isch au weg. Und nun zu dir mein lieber Schwabe, seid d'r Geischd, was wuenscht du dir. Ueberlege gut, du hast nur einen Wunsch. D'r Schwob seit: Du Geischd, isch Holland etzt wirklich am Maehr ond mir hend koine Kaeskoepf mei dia wo's Beblenger Kreiz v'rschdopfed mit denne Karawans ? Jawohl, seid d'r Geischd.
Ond, lieber Geischd, seid d'r Schwob, send alle die Ossis wieder in d'r DaeDaeErr ond nemme hier im Laendle ? Jawohl mein Schwabenfreund. Seid d'r Goischd. HA, da kane nemme, seid d'r Schwob, na wiensch i mier a Leberkaesweckle.
Voelkerverstaendigung: schdadd a schwaob auf dr brugg iebrd donao. nao siedr onda am uafr oin knuila ond aus dr donau saufa. Schreidr soford nondr " HEEEE!! BISCH VERRUGGD ! DES WASSR KASCH DOCH EDD SAUFA! DES ISCH DOCH DREGGAD OND GIFDIG !! " Der kerle von onda guggad nauf ond schreid zrug " nue, was haste jesacht ? " Schreidr wiedr nondr " LANGSAM TRINKEN ! DES WASSER ISCHD DOCH KALT! "
"warom essed schwaoba so gaeara schbaedsla?"
"ha weil se koine graeda hend ".
(Schtammt nadierlich vo onsere zwoi dierische Freind.)
Ma muas ja blos mal vord Mensa schdanda, wenns an dr oina Roie Fisch ond an dr andra Linsa ond Schbaedsla mid Soidawieschd gibd. Isch ja ao klar, Fisch schmeggd halt nach Fisch, dao ka man nex macha.
...viel Vergnügen beim Entziffern! Ich werde mich bemühen, meine Rezepte in meiner zweiten Fremdsprache (Hochdeutsch) zu posten!
Viele Grüße von der schwäbischen Alb
Siegbert (Albyeti)
